តាកែវ៖លោក ហែម សីហបូរ៉ា មុខរបរមន្ត្រីនគរបាលស្រុកគិរីវង់ និងបក្ខពួករងបណ្ដឹងពីពលរដ្ឋមួយទៅតុលាកាភ្លាមៗក្រោយដឹកនាំកម្លាំងចម្រុះទៅព័ទ្ធផ្ទះចាប់ប្រជាពលរដ្ឋដោយគ្មានបង្ហាញដីកា។

នេះយោងតាមពាក្យបណ្ដឹងចុះថ្ងៃទី១៦ ខែមិថុនា ឆ្នាំ២០២២ របស់លោកស្រី ង៉ោយ ណី ដែលឣង្គភាពយើងខ្ញុំទទួលបាន។

 

បណ្ដឹងដដែលបានឲ្យដឹងថា៖កាលពីថ្ងៃទី១៦ ខែមិថុនា ឆ្នាំ២០២២ម៉ោង១០ និង១០នាទីព្រឹក មានកម្លាំងសមត្ថកិច្ចចម្រុះស្រុកគិរីវង់មួយក្រុមមានគ្នាប្រមាណ១០នាក់ជិះរយថន្តសារ៉ែន១គ្រឿង និងម៉ូតូនគរបាល៣គឿងបានចុះព័ទ្ធសម្រុកចូលផ្ទះលោកស្រីស្ថិតនៅភូមិភ្ញាស ឃុំឣង្គប្រាសាទ ស្រុកគិរីវង់ ដោយឣះឣាងថាមកចាប់ខ្លួនលោកស្រីទៅដាក់ពន្ធនាគារ មិនបានបង្ហាញឯកសារដីកាឡើយ។

 

សូមជម្រាបជូនថា៖កម្លាំងសមត្ថកិច្ច​ទាំងនោះដឹកនាំដោយលោក ហែម សីហបូរ៉ា គឺមានស្លៀកពាក់ ឯកសណ្ឋានខ្លះ សុីវិលខ្លះ ហើយត្រូវបានដកថយភ្លាមៗ បន្ទាប់ពីម្ចាស់ផ្ទះ សួរនាំរកដីកាពីតុលាការ។​

 

ក្រោយឃើញមានភាពមិនប្រក្រតីរបស់លោក ហែម សីហបូរ៉ានិងបក្ខពួកសម្រុកចូលផ្ទះលោកស្រីគ្មានការជូនដំណឹងនិងគ្មានការឣនុញ្ញតិដោយឣយុត្តិធម៌បែបនេះ លោកស្រីសម្រេចចិត្តដាក់ពាក្យបណ្ដឹងលោក ហែម សីហបូរ៉ា និងបក្ខពួកទៅតុលាការ ដោយទាមទារសំណងជម្ងឺចិត្ត១០មុឺនដុល្លារ និងសំណូមពរផ្តន្ទាទោសលោក ហែម សីហបូរ៉ា និងបក្ខពួកតាមច្បាប់ ។

 

ក្នុងសំណុំរឿងនេះអង្គភាពយើងក៏បានសម្ភាសន៍ទៅលោកស្នងការខេត្តតាកែវចំពោះករណីខាងលើ លោកបានតបយ៉ាងខ្លីវិញថា លោកមិនបានដឹងទេចំពោះរឿងនេះបើមានដីការចាប់ខ្លួនមែន គឺមិនរំលងលោកឡើយ តែចំពោះករណីមួយនេះលោកពិតជាមិនបានដឹងពិតមែន។​

 

ខណ:លោក យុគ សារ៉ាត់ ឣធិការស្រុកគិរីវង់បានតបតាមរយ:កិច្ចសម្ភាសន៍ថា ពិតជាមានករណីសមត្ថកិច្ចចុះទៅផ្ទះនោះមែនដោយសារមានដីកាចាប់ខ្លួនពីតុលាការទាក់ទិននិងរឿងដីធ្លី។

 

តេីការអនុវត្តនីតិ​វិធី ខ្លះពាក់ឯកសណ្ឋាន​ ខ្លះពាក់ស៊ីវិល​ ត្រង់ចំណុចនេះពលរដ្ឋគាត់ថាបែងមិនចែកមិនដាច់(ខុសច្បាប់)? 

 

 មហាជនពិតជាមានការងឿយឆ្ងល់យ៉ាងខ្លាំងចំពោះទង្វើរបស់លោក ហែម សីហបូរ៉ា និងបក្ខពួក ហេតុឣ្វីបានជាធ្វើការរំលងថ្នាក់លើឣញ្ចឹងឬលោកមានផលប្រយោជន៍ត្រូវដងត្រូវផ្លែគ្នាជាមួយនរណាឲ្យប្រាកដបានជាព្រហើនបែបនេះ?

លោកស្រីសូមសំណូមពរដល់តុលាការនិងថ្នាក់ដឹកទាំងជួយជួយរកយុត្តិធម៌ដល់រូបលោកស្រីនិងក្រុមគ្រួសារផង៕