(ភ្នំពេញ)៖ ព្រឹកថ្ងៃសុក្រ ទី០៦ ខែឧសភា ឆ្នាំ២០២២ នៅបញ្ជាការដ្ឋាន កងរាជអាវុធហត្ថលើផ្ទៃប្រទេស ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស បានអញ្ជើញជាអធិបតីភាព ក្នុងកិច្ចប្រជុំត្រួតពិនិត្យការងារប្រុងប្រៀប ដើម្បីត្រៀមរៀបចំពិធីជំនួបប្រាស្រ័យមិត្តភាពការពារជាតិព្រំដែនកម្ពុជា-វៀតណាម ថ្នាក់រដ្ឋមន្រ្តីលើកទី១ និងកិច្ចសន្ទនាគោលនយោបាយការពារជាតិ ថ្នាក់អនុរដ្ឋមន្រ្តីលើកទី៥ និងជាប្រធានក្រុមការងាររៀបចំពិធីរំលឹកខួបទី៤៥ នៃទិវាចងចាំ ដំណើរឆ្ពោះទៅរកការផ្តួលរំលំរបបប្រល័យពូជសាសន៍ ប៉ុលពត(២០ មិថុនា ១៩៧៧ – ២០ មិថុនា ២០២២) ដោយអញ្ជើញចូលរួមពីសំណាក់ ឯឧត្តម ឧត្តមសេនីយ៍មកពីក្រសួងការពារជាតិ និងអ្នកដែលមានការពាក់ព័ន្ធ។