ពលរដ្ឋសំណូមពរសុំឱ្យឯកឧត្តម ថាវ យ៉េន មេបញ្ជាការរដ្ឋានអាវុធហត្ថខេត្តរតនគិរីជួយទប់ស្កាតម៉ូតូឈ្មួញឈើឈ្មោះ លាង ដែលសម្រុកជញ្ជូនឈើពីស្រុកវើនសៃនិងឃុំការឡៃស្រុកអូរចូលក្រុងបានលុង
ថ្ងៃចេញផ្សាយៈ February 21, 2022
ខេត្តរតនគិរី: ឈ្មួញឈើឈ្មោះលាង បានបង្កើនសកម្មភាពដឹកជញ្ជូនឈើតាមរយៈម៉ូតូកែឆ្នៃយ៉ាងគគ្រឹក គគ្រេង ពីតបន់ស្រុកវើនសៃ និងតំបន់ឃុំការឡៃស្រុកអូរជុំ ចូលមកក្រុងបានលុងខេត្តរតនគិរី ម៉ាសេរីដោយគ្មានរំខានដល់សមត្ថកិច្ចជំនាញពាក់ព័ន្ធ ករណីម៉ូតូឈើដែលកំពុងដឹកជញ្ជូនខ្វាតខ្វែងចូលមកក្នុងក្រុងបានលុង មិនត្រូវគេឃើញមានសមត្ថកិច្ចធ្វើការអន្តរាគម៌រឺមានវិធានការទប់ស្កាតឡើយ។
ពាក់ព័ន្ធការដឹកជញ្ជូនឈើតាមម៉ូតូកែឆ្នៃទាំងនេះ ត្រូនបានគេឃើញធ្វើការដឹកជញ្ជូនឈើ ចាប់ពីក្បាលព្រលប់រហូតដល់ទាបភ្លឺជារៀងរាល់យប់ តាមផ្លូវSNបឹងកំសាន្ត ក្នុងសង្កាត់បឹងកន្សែង និងផ្នែកខ្លះទៀត ដឹកឈើតាមផ្លូវភូមិធួយ៧ ចូលមកក្រុងបានលុងខេត្តរតនគិរី។
បើទោះជាយ៉ាងណាក្ដីក៏ប្រជាពលរដ្ឋរាយការណ៍មកថា វានៅតែត្រូវបានគេបង្ហូរឈើចូលក្រុងបានលុងយ៉ាងគគ្រឹកគគ្រេងពីតំបន់ស្រុកចំនួនពីរខាងលើនេះ។
តាមសេចក្តីរាយការណ៍ថា វត្ថមានឈ្មួញឈើម៉ូតូឈ្មោះលាង បានកំពុងសម្រុកដឹកជញ្ជូនឈើតាមម៉ូតូចូលក្រុងបានលុងនេះត្រូវគេដឹងថា អតីតៈជាប្រធានអង្គការការពារព្រៃឈើក្រៅរដ្ឋាភិបាល១រូប រស់នៅស្រុកអូរជុំខេត្តរតនគិរី។
យ៉ាងណាមិញ នៅយប់ថ្ងៃទី២០ កុម្ភៈ ២០២២នេះ ត្រូវបានគេជញ្ជូនឈើចូលក្រុងបានលុង យ៉ាងគំហុក ហើយឈើទាំងនោះត្រូវបានគេប្រាប់ថា ជារបស់ឈ្មួញឈើចាស់វស្សាឈ្មោះ លាង ត្រូវជាកូនប្រសារលោក តុងហាន ហើយមានខ្នងបង្អែកធំ ជាសមត្ថកិច្ចក្នុងខេត្តរតនគិរីម្នាក់ ចាំកាងមុខរបរបទល្មើសព្រៃឈើ តាមតរយៈឈើម៉ូតូខាងលើនេះ។
បើតាមប្រជាពលរដ្ឋរស់នៅស្រុកអូរជុំថា នៅតាមផ្លូវគេឃើញមានប៉ុស្តិ៍ត្រួតពិនិត្យ របស់ស្ថាប័នជំនាញជាច្រើនដែរ តែប៉ុស្តិ៍ត្រួតពិនិត្យទាំងនោះ មានន័យត្រឹមតែជាខ្ទមតាមសំយ៉ាបផ្ទះប្រជាជន និងអ្នកតាចាំរាប់ក្បាលម៉ូតូហើយទទួលសំណែនតែប៉ុណ្ណោះ ក្នុងនោះក៏មានប្រជាពលរដ្ឋក្លែងខ្លួនសមត្ថកិច្ចដេកចាំសញ្ញូរភ្លើងប៉ឹលចាំរាប់ក្បាលម៉ូតូយកលុយជូនមេៗដែរ។
អ្នកភូមិថា នៅចណុចអូរតាផេង ស្ថិតនៅសង្កាត់បឹងកន្សែង ត្រូវគេឃើញមានសមត្ថកិច្ចក្លែងក្លាយមួយក្រុមមានគ្នាប្រមាណ០៦នាក់ ទៅ០៧នាក់ ចាំរាប់ក្បាល់ម៉ូតូយកលុយ ទាលុយពីម៉ូតូឈើឈ្មោះលាង ជារៀងរាល់យប់ថ្ងៃ។
យ៉ាងណាក៍ដោយ ករណីដឹកជញ្ជូនបទល្មើសព្រៃឈើតាមរយៈម៉ូតូកែឆ្នៃខាងលើនេះ ប្រជាពលរដ្ឋរស់នៅរស់នៅស្រុកអូរជុំ និងប្រជាជនរស់នៅក្នុងក្រុងបានលុងខេត្តរតនគិរី សំណូមពរដល់ឯកឧត្តម ថាវ យ៉េន មេបញ្ជាការកងរាជអាវុធហត្ថខេត្តរតនគិរី សូមឯកឧត្តម ជួយទប់ស្កាត និងមានចំណាត់ទៅលើឈ្មួញឈើម៉ូតូឈ្មោះ លាង នៅស្រុកអូជុំនេះផង៕
