ផ្សាយនៅថ្ងៃទី២១ ខែកុម្ភៈ ឆ្នាំ២០២២ វេលាម៉ោង១១:៥៤នាទី

ភ្នំពេញ៖ នៅតាមបណ្ដោយផ្លូវចូលវត្តនាគវ័ន្ត ក្នុងសង្កាត់ផ្សារដេប៉ូ៣ ខណ្ឌទួលគោក រាជធានីភ្នំពេញ ក្នុងចំណុចក្លឹបកីឡាបាល់ទះ យីហោ នាគវ័ន្ត កំពុងតែមានការប្រមូលផ្ដុំគ្នា លេងល្បែងស៊ីសងប្រភេទ មាន់ជល់ផ្ទាល់ និងប្រភេទមាន់ហាយ យ៉ាងអាណាធិបតេយ្យ ដោយគេពុំឃើញមានសមត្ថកិច្ចពាក់ព័ន្ធណាម្នាក់ចុះបង្ក្រាបឡើយ។

ពាក់ព័ន្ធទៅនឹងទីតាំងល្បែងស៊ីសងខុសច្បាប់ខាងលើនេះ អង្គភាពសារព័ត៌មានយើងធ្លាប់បានរាយការណ៍ជូនលោក ជា ពិសី អភិបាលខណ្ឌទួលគោក ហើយនិងលោក សុខ ហេង អធិការនគរបាលខណ្ឌទួលគោក និងស្នើសុំឱ្យមានការបង្ក្រាបទប់ស្កាត់ ប៉ុន្តែអស់លោកទាំងពីរបែរមិនបង្ក្រាប។

 

ពលរដ្ឋជាច្រើនស្នើសុំដល់លោក ឃួង ស្រេង អភិបាលនៃគណៈអភិបាលរាជធានីភ្នំពេញ និងជាប្រធានគណៈកម្មការប្រយុទ្ធប្រឆាំងនឹងជំងឺឆ្លង សូមមេត្តាចាត់មន្ត្រីជំនាញចុះបង្ក្រាបទប់ស្កាត់ទីតាំងដែលប្រមូលផ្តុំគ្នាលេងល្បែងភ្នាល់ខុសច្បាប់ខាងលើផងទាន។

 

ពលរដ្ឋស្នើសុំលោកឧត្តមសេនីយ៍ឯក ស ថេត អគ្គស្នងការរង និងជា ស្នងការនគរបាលរាជធានីភ្នំពេញ សូមមេត្តាចាត់មន្ត្រីក្រោមឱវាទចុះពិនិត្យមើលទីតាំងខាងលើដោយក្ដីអនុគ្រោះ៕

 

ជុំវិញការចុះផ្សាយព័ត៌មានខាងលើនេះ អង្គភាពសារព័ត៌មានយើង រង់ចាំការបំភ្លឺរៀងរាល់ម៉ោងធ្វើការ។ សូមអរគុណ!