លោកចោរជើងឆើតលួចឥតប្រណីត្រូវអស់លក្ខណ៍ជាប់អន្ទាក់សមត្ថកិច្ចស្រុកសំរោង
............................................................................
នៅព្រឹកថ្ងៃចន្ទ ១២រោច ខែជេស្ឋ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី០៧ ខែមិថុនា ឆ្នាំ២០២១ វេលាម៉ោង ៩ និង២០នាទី លោកវរសេនីយ៍ឯក ភី ឆុន អធិការនគរបាលស្រុកសំរោង បានដឹកនាំកម្លាំងជំនាញអធិការដ្ឋាន សហការជាមួយកម្លាំងប៉ុស្តិ៍នគរបាលរដ្ឋបាល បានបង្ក្រាបករណីលួចម៉ូតូ ០១គ្រឿង នៅចំណុចភូមិរូង ឃុំលំចង់ ស្រុកសំរោង ខេត្តតាកែវ ឃាត់ខ្លួនជនសង្ស័យបានមួយនាក់ ឈ្មោះសុន វ៉ៃយុ ហៅម៉ក ភេទប្រុស អាយុ ២២ ឆ្នាំ រស់នៅភូមិពោធិ ឃុំខ្វាវ ស្រុកសំរោង ខេត្តតាកែវ។ ដោយបានធ្វើសកម្មភាពលួចម៉ូតូម៉ាក Scoopy i ពណ៌ស ស៊េរីឆ្នាំ ២០២១ ពាក់ស្លាកលេខ តាកែវ 1W 0443 របស់ឈ្មោះ សោម ស្រីស្រស់ ភេទស្រី អាយុ ៤៥ ឆ្នាំ ទីលំនៅភូមិរូង ឃុំលំចង់ ស្រុកសំរោង ខេត្តតាកែវ ខណៈពេលដែលម្ចាស់ម៉ូតូបានទុកម៉ូតូនៅមុខតូបលក់អីវ៉ាន់ ដោយពុំបានដកសោរចេញ ។
បច្ចុប្បន្នជនសង្ស័យរួមនឹងវត្ថុតាង កម្លាំងជំនាញកំពុងធ្វើការសាកសួរនិងកសាងសំណុំរឿងបញ្ជូនទៅសាលាដំបូងខេត្តតាកែវ ដើម្បីចាត់ការទៅតាមនីតិវិធី៕
~.jpg)
.jpg)
