សង្វៀនជល់មាន់ របស់ឈ្មោះ នី ចាប់ផ្តើមបើកលេងយ៉ាងគគ្រឹកគគ្រេង ក្នុងទឹកដី ស្រុកទ្រាំង លោក ឃុតភិនអធិការស្រុកទ្រាំងមិនហ៊ានចុះបង្ក្រាប!
ថ្ងៃចេញផ្សាយៈ January 17, 2022
ខេត្តតាកែវ៖ សង្វៀនជល់មាន់ និងអាប៉ោងដ៏ធំមួយកន្លែងស្ថិតនៅ ភូមិដកម៉ៃ ឃុំអង្កាញ់ ស្រុកទ្រាំង ខេត្តតាកែវ កំពុងតែបើក ដំណេីរការឲ្យលេងយ៉ាងគក្រឹកគក្រេង មិនឃើញមានអាជ្ញាធរមូលដ្ឋានណាចុះណែនាំ និងបង្កាបនោះឡើយ។
បេីទោះបីជាអ្នកសារព័ត៌មានខលទូរសព្ទ័រាយការណ៍យ៉ាងណាក្តី លោក វរៈសេនីយ៍ឯក ឃុត ភិន អធិការស្រុកទ្រាំង ស្នងការខេត្តតាកែវ និង លោក ឧត្តមសេនីយ៍ទោ ឈាង ផាន់ណារ៉ា ស្នងការ នៃស្នងការដ្ឋាននគរបាលខេត្តតាកែវ ក៏នៅតែមិនហ៊ានចុះបង្រ្កាប មិនដឹងថា មានខ្នងអាងខ្សែធំខាងណានោះទេ។
យោងតាមសេចក្តីរាយការណ៍ ពីប្រជាពលរដ្ឋបានឲ្យដឹងថា ម្ចាស់ សង្វៀនមាន់ ឈរឈ្មោះ នី ជាមន្រ្តី
ប៉ូលីស ហ៊ានបើកឲ្យលេងទីលានប្រជល់មាន់
ដោយមានក្រុមញៀនល្បែងសម្រុកចូលលេងពពាក់ពពួនគ្នា ដូចទឹកបាក់ទំនប់អញ្ជឹង។
ដោយភាគច្រើនមិនមានពាក់ម៉ាសការពារជំងឺ
ឆ្លងកូវីដ ឬ ជំងៃ បម្លែងថ្មីនោះឡើយ ខណៈជំងឺនេះ នូវមិនទាន់សាបរលាបនៅឡើយ ឯជំងឺឆ្លងប្រភេទថ្មីក៏កំពុងតែកើតមានឡើងដ៏គួរឲ្យព្រួយបារម្មពីថ្នាក់ដឹកនាំផងដែរ។
ប្រភពពីប្រជាពលរដ្ឋខាងលេីបានឲ្យដឹងថា ម្ចាស់ទីតាំង រូបនេះទំនងមានខ្នងបង្អែកដ៏រឹងមាំនៅពីក្រោយ ហើយមើលទៅ បានជាថ្លើមធំបើកឲ្យលេងល្បែង ដោយមិនខ្វល់ ពីចំណាត់ការ ឬការរំ
ខាន ដល់អ្នកជជិតខាងហើយម្យ៉ាងវិញទៀត បង្កសម្លេងសប្បាយស្រែកទ្បូទ្បា ហ៊ោកញ្ជ្រៀវកងររំពងក្នុងមូលដ្ឋាន។
ពាក់ព័ន្ធបញ្ហាខាងលើនេះអ្នកសារព័ត៌មានយើង បានខលរាយការ ជូនស្នងការខេត្តតាកែវ លោក ឧត្តមសេនីយ៍ទោ ឈាង ផាន់ណារ៉ា ស្នងការ នៃស្នងការដ្ឋាននគរបាលខេត្តតាកែវ លោក មិនបានឆ្លេីយតបនោះទេ។
ជុំវិញបញ្ហាខាងលើនេះប្រជាពលរដ្ឋបានសម្ដែងការព្រួយបារម្ភ និងការភ័យខ្លាច កើតមានបទល្មើសផ្សេងៗដូចជា អំពើចោរកម្ម អំពើហិង្សាក្នុងគ្រួសារ និងបទល្មើសជួញដូរនិងប្រើប្រាស់គ្រឿងញៀន ព្រោះមានពលរដ្ឋខ្លះចាញ់ល្បែង លក់អស់ទ្រព្យសម្បត្តិដីធ្លី និងជំពាក់បំណុលគេ ជុំទិសបង្កជាបញ្ហាអសន្តិសុខសង្គមជាដើម ដែលកើតចេញពីប្រភពល្បែងស៊ីសង ជាច្រើនប្រភេទទាំងនេះ។
