.............................................................................

    តាកែវ៖ នៅព្រឹកថ្ងៃចន្ទ ទី០៧ ខែមិថុនា ឆ្នាំ២០២១ ឯកឧត្តម អ៊ូច ភា អភិបាលនៃគណៈអភិបាលខេត្តតាកែវ រួមជាមួយអាជ្ញាធរពាក់ព័ន្ធ បានអញ្ជើញចុះត្រួតពិនិត្យ សម្រេចរបស់រដ្ឋបាលខេត្ត ស្ដីពីសម្រេចផ្អាកជាបណ្តោះអាសន្ននូវអាជីវកម្ម ការលក់ដូរនៅក្នុងផ្សារដូនកែវនៅជុំវិញ បរិវេណផ្សារ និងការលក់ដូរតាមគេហដ្ឋានជុំវិញផ្សារដូនកែវ ទាំងអស់ ស្ថិតនៅភូមិថ្នល់បែក សង្កាត់ រកាក្រៅ ក្រុងដូនកែវ ដែលជាតំបន់មានអ្នកវិជ្ជមានកូវីដ-១៩។ បានប៉ះពាល់ដោយផ្ទាល់ និងដោយ ប្រយោលជាច្រើននាក់ពាក់ព័ន្ធក្នុងព្រឹត្តិការណ៍សហគមន៍ ២០កុម្ភៈ ព្រមទាំងការយកសំណាក របស់ក្រុមអាជីវករលក់ដូរនៅក្នុងផ្សារដូនកែវ។

      

        ការចុះត្រួតពិនិត្យនោះផងដែរ ឯកឧត្តម អ៊ូច ភា អភិបាលខេត្ត បានថ្លែងថា ក្នុងគោលបំណងដើម្បីកាត់ផ្តាច់ការឆ្លងរាលដាលជំងឺកូវីដ-១៩ នៅក្នុងភូមិសាស្រ្តដែល ត្រូវបានបិទខ្ទប់ និងទប់ស្កាត់ជំងឺនេះមិនឱ្យឆ្លងរាលដាលទៅតំបន់ផ្សេងៗទៀតបាន។ អាជីវករ និងអ្នក លក់ដូរក្នុងផ្សារ និងជុំវិញផ្សារទាំងអស់ មានកាតព្វកិច្ចផ្តល់វសំណាកដើម្បីយកទៅវិភាគរកមេរោគ កូវីដ១៩ ដល់មន្រ្តីសុខាភិបាល នៅចំណតរថយន្តផ្សារដូនកែវ ក្នុងករណីដែលបងប្អូនខាកខាន មិនបានផ្តល់សំណាកតាមកាលកំណត់ខាងលើ ត្រូវទៅផ្តល់សំណាកនៅមណ្ឌលសុខភាពឬមន្ទីរពេទ្យបង្អែកនៅជិតលំនៅដ្ឋានរបស់បងប្អូនប្រជាពលរដ្ឋ ។

 

         ឯកឧត្តមអភិបាលខេត្ត បានបន្តថា ចំពោះ អាជីវករ និងអ្នកលក់ដូរទាំងអស់ព្រមទាំងក្រុមគ្រួសារ ត្រូវធ្វើចត្តាឡីស័កឱ្យបានត្រឹមត្រូវ តាមការណែនាំរបស់ក្រសួងសុខាភិបាល ជាពិសេសត្រូវអនុវត្តនូវវិធានការ ៣កុំ និង ៣ការពារ។ ក្នុងអំឡុងពេលនៃ ការអនុវត្តវិធានការផ្អាកជាបណ្តោះអាសន្ន ត្រូវបានហាមឃាត់ការចេញចូល ការជួបជុំ ឬការ ប្រមូលផ្តុំមនុស្សនៅតំបន់បិទខ្ទប់។

 

បន្ថែមពីផងដែរ ឯកឧត្តម អ៊ូច ភា អភិបាលខេត្ត ក៏បានធ្វើការឧបត្ថម្ភដល់គោលដៅឈររបស់ សមត្ថកិច្ចចំនួន ០៩គោលដៅ ដោយក្នុងមួយគោលដៅៗ ទទួលបាន ថវិកា ឧបត្ថម្ភ៥០ម៉ឺនរៀលផងដែរ។