ចេញផ្សាយ​៖២២/០៤/២០២៥

ដោយ៖​PY-News​

 

ប្រភពប្រជាពលរដ្ឋរស់នៅ ភូមិកះក្របី សង្កាត់ព្រែកថ្មី ខណ្ឌច្បារអំពៅ ជ្រិញនិងពួកញៀណល្បែងសុីលេងភ្លូកទឹកភ្លូកដីសេីចក្អាកក្អាយយ៉ាងកងរំពងហាក់មិនខ្វល់អំពីសមត្ថកិច្ចចុះបង្រ្កាបនោះទេ ដែលគេដាក់ការសង្ស័យថាម្ចាស់ផ្ទះនេះមិនដឹងជាអាងខ្នងបង្អែកប៉ុណ្ណានោះទេទេីបក្រុមអ្នកញៀណល្បែងសុីសងទាំងនោះលេងបានម៉ាសេរីបែបនេះ។

 

ប្រភពលេីកឡេីងទៀតថាក្រុមអ្នកញៀណល្បែងសុីសងមុននឹងលេងមាន់ដី(មាន់តខ្នាយដែក)គេជុំគ្នាលេងតាមឡេបថបឫទូរស័ព្ទសិន ដោយពួកអ្នកលេងទាំងនោះមានទូរស័ព្ទដៃម្នាក់១គ្រឿងដេីម្បីពិនិត្យលទ្ធផលឈ្នះចាញ់រៀងៗខ្លួនតែម្តង។ប្រភពបានបង្អើបបន្តទៀតថាអ្នកដែលចាំកាងល្បែងស៊ីសងប្រភេទអនឡាញនិងមាន់ជល់ដីនេះត្រូវបានគេស្គាល់ឈ្មោះតូច ដោយគេអួតហេងក្អាងប្រាប់អ្នកញៀនល្បែងទាំងនោះថាកុំព្រួយបារម្ភក្នុងការលេងល្បែងនៅផ្ទះរបស់គេ គេចេះចាត់ចែងជូនដល់សមត្ថកិច្ចនិងអាជ្ញាធរមូលដ្ឋានរួចជាស្រេចហើយ។

 

គួររំលឹកផងដែរថានៅចំណុចផ្ទះរបស់ឈ្មោះតូច នេះ ត្រូវបានអាជ្ញាធរមានសមត្ថកិច្ចធ្វើកិច្ចសន្យាដើម្បីបញ្ឈប់ក្នុងការលេងល្បែងស៊ីសងនេះម្តងរួចមកហើយតែមិនដឹងជាមានវេទមន្តអ្វីបានជាបើកលេងវិញបានយ៉ាងរំភើយ។ តើឯណាទៅសម្ដីរបស់ប្រមុខថ្នាក់ដឹកនាំ អាជ្ញាធរមូលដ្ឋានមិនដឹងជាយកទៅបោះចោលទៅកន្លែងណាទើបបានជាភ្លេចមិនធ្វើការបង្ក្រាបអោយបានទាន់ពេលវេលាបែបនេះឬក៏ទាំងនេះគឺជាប្រភពចំណូលយ៉ាងសំខាន់សម្រាប់ចិញ្ចឹមឆ្នាំងអាជ្ញាធរ។

 

សង្គមស៊ីវិលបានលើកឡើងថាសម្ដេចបវរធិបតីហ៊ុនម៉ាណែតនាយករដ្ឋមន្ត្រីនៃព្រះរាជាណាចក្រកម្ពុជាហាក់មិនមានប្រសិទ្ធភាពចំពោះចំណាត់ការទៅលើមន្ត្រីថ្នាក់ក្រោមទើបបានជាល្បែងអនឡាញមួយចំនួននៅក្នុងទឹកដីនៃខណ្ឌច្បារអំពៅលេងបានយ៉ាងរលូន។

 

ប្រជាពលរដ្ឋរស់នៅក្នុង ភូមិកោះក្របី សង្កាត់ព្រែកថ្មី ខណ្ឌច្បារអំពៅ សូមណូមពរដល់ឯកឧត្តមឃួងស្រេង អភិបាលនៃគណៈអភិបាលរាជធានីភ្នំពេញ មេត្តាជួយឆ្កឹះស្លឹកត្រចៀកដល់លោកអភិបាលខណ្ឌច្បារអំពៅផងពីព្រោះពលរដ្ឋមានការព្រួយបារម្ភអំពីសណ្ដាប់ធ្នាប់ក្នុងសង្គមដែលបង្កដោយល្បែងស៊ីសងទាំងនេះដែលអាចកើតឡើងជាអំពើហិង្សានៅក្នុងគ្រួសារ ឆក់ ប្លន់ និងមានករណីផ្សេងៗទៀតកេីតមានជាយថាហេតុ៕