ចេញផ្សាយ៖០១០/១២/២០២៣

PY-News

 

ប្រជាពលរដ្ឋបានរាយការណ៍មកថា មេល្បែងអាប៉ោងខុសច្បាប់ដុះស្លែឈ្មោះមុឹងកំពុងតែដំណើរការលេងបានយ៉ាងរលូនស្ថិតនៅភូមិអាញ្ចាំងឃុំត្រពាំងសាបស្រុកបាទីខេត្តតាកែវ ដោយក្រុមញៀនល្បែងមានស្រីប្រុសទាំងនេះកំពុងតែលេងយ៉ាងពពាក់ពពូនច្រើនកុះករដោយមិនខ្លាចញញើតសមត្ថកិច្ចអាជ្ញាធរ ភូមិ.ឃុំស្រុកនោះទេ។

 

     ប្រជាពលរដ្ឋបន្តទៀតថានៅក្នុងភូមិអញ្ចាំង ឃុំត្រពាំងសាប ស្រុក បាទីនេះនៅណាក៏គេស្គាល់ឈ្មោះលោកមុឹង ដែលជាមេបនល្បែងបាញ់អាប៉ៅយ៉ាងឈ្ងុយឈ្ងុបនេះដែរបើមិនស្គាល់លោកម៉ឹងនេះដូចជាមិនស្គាល់សាលាស្រុកបាទីដែរ។

 

  ប្រភពបានបន្តឲ្យដឹងទៀតថាមេល្បែងដ៏ធំប្រចាំស្រុកបាទីមួយនេះហាក់មានចរិតក្រទមមិនខ្លាចញញើតសមត្ថកិច្ចទាល់តែសោះឬមួយអាជ្ញាធរស្រុកបាទីត្រូវដងត្រូវផ្លែយកសំណែន ពីបុគ្គលឈ្មោះមុឹង នេះប្រចាំខែបាត់ទៅហើយទើបបានជាមកគោរពនេះតែងតែនិយាយអួតប្រាប់ក្រុមអ្នកមានល្បែងដើរលេងនៅក្នុងវង់ដែលខ្លួនកំពុងតែបើកលេងនេះសូមកុំមានការព្រួយបារម្ភអំពីសមត្ថកិច្ចមកឆាឆៅឬក៏ចាប់យកទៅអធិការដ្ឋាននគរបាលស្រុកទេ ។

 

    គួររំលឹកផងដែរថាកន្លងមកប្រមុខថ្នាក់ដឹកនាំនៃក្រសួងមហាផ្ទៃបានចេញសេចក្តីណែនាំដល់មន្ត្រីថ្នាក់ក្រោមគ្រប់ស្ថាប័នដែលពាក់ព័ន្ធនឹងល្បែងស៊ីសងត្រូវតែអនុវត្តឲ្យបានដាច់ខាតជាពិសេសឲ្យអនុវត្តនៅគោលនយោបាយភូមិឃុំ 9 ចំណុចដែលបានដាក់ចេញ។

 

    មជ្ឈដ្ឋាននៃសង្គមស៊ីវិលបានលើកឡើងថាប្រសិនបើអាជ្ញាធរភូមិឃុំនិងស្រុកនៅតែព្រងើយកន្តើយមិនធ្វើការបង្ក្រាបនៅល្បែងពាលាតាមបណ្ដាភូមិ.ឃុំ.ស្រុក ឱ្យមានប្រសិទ្ធភាពនោះទេពិតណាស់ធ្វើឱ្យពលរដ្ឋមានការព្រួយបារម្ភជាខ្លាំងនៅបទល្មើសមួយចំនួនដូចជាឆក់ប្លន់និងកើតជាអំពើហិង្សាក្នុងគ្រួសារដែលជាកត្តាធ្វើឲ្យសង្គមអស្ថេរភាពជាក់ជាមិនខាន។

 

    ប្រជាពលរដ្ឋបានសំណូមពរដល់លោកឈាង សុផាន់ណារ៉ា ស្នងការនគរបាលខេត្តតាកែវមេត្តាចាត់វិធានការដល់មន្ត្រីថ្នាក់ក្រោមឲ្យបានមុឺងម៉ាត់បំផុតដេីម្បីជាសវាងមន្ត្រីថ្នាក់ក្រោមឃុបឃិតជាមួយបទល្មើស មួយចំនួននៅក្នុងមូលដ្ឋាន ធ្វើរបាយការណ៍ភូតកុហកដែលជាហេតុនាំឲ្យប្រជាពលរដ្ឋអស់ជំនឿជឿជាក់លើកងកម្លាំងសមត្ថកិច្ចគ្រប់ជាន់ថ្នាក់។