ដោយ. លោក វ៉ែន វិចិត្រ

 

 

   កំពង់ស្ពឺ: នៅល្ងាចថ្ងៃទី២៣ ខែកក្កដា ឆ្នាំ២០២១ ម៉ោងប្រមាណ៥.០០នាទីមានករណីគ្រោះថ្នាក់ចរាចរណ៍បណ្ដាលឱ្យមនុស្សម្នាក់បាត់បង់ជីវិតនៅកណ្តាលទ្រូងផ្លូវ។

 

       ករណីគ្រោះថ្នាក់ចរាចរណ៍ដ៍រន្ធត់ខាងលេីនេះកើតឡើងនៅចំណុចផ្លូវជាតិលេខ៣ភូមិក្រញូងឃុំពោធិ៍អង្ក្រងស្រុកបរសេដ្ឋខេត្តកំពង់ស្ពឺ។ប្រជាពលរដ្ឋដែលបានឃើញហេតុការណ៍នេះបានប្រាប់ឲ្យដឹងថាមានឡានសណ្ដោងប្រភេទកង់ 10ស្លាកលេខព្រះសីហនុ ៣A.៦៩៦២កំពុងធ្វើចរាចរណ៍លើដងផ្លូវដោយឡានបទផ្លូវបំបែកជាបួនពេលនោះក៏ជួបប្រទះនិងម៉ូតូ១គ្រឿងបេីកបរដោយបរសម្នាក់បើកបរដោយមិនមានការប្រុងប្រយ័ត្នក៏បានបុកជាមួយនឹងរថយន្តដែលកំពុងតែធ្វើការបទនៅចំណុចផ្លូវបំបែកជាបួននោះបណ្ដាលឲ្យបាត់បង់ជីវិតនៅនឹងកន្លែងកើតហេតុ(ម៉ូតូជនរងគ្រោះពាក់ស្លាកលេខ ភ្នំពេញ1CK.6435)។

 

       ហេតុការណ៍ខាងលើនេះធ្វើឱ្យមានការកកស្ទះចរាចរណ៍នៅលើកំណាត់ផ្លូវជាតិលេខ 3 រាប់ម៉ោងទើបបានកម្លាំងមានសមត្ថកិច្ចចុះមកជួយអន្តរាគមន៍ក្នុងការវាស់វែងដើម្បីធ្វើកំណត់ហេតុនិងស្រាវជ្រាវករណីគ្រោះថ្នាក់ចរាចរណ៍មួយនេះនិងប្រមូលវត្ថុតាងយកទៅរក្សាទុកនៅអធិការរដ្ឋាននគរបាលស្រុកបរសេដ្ឋដើម្បីចាត់ការតាមនីតិវិធីច្បាប់។ចំណែកសាកសពជនរងគ្រោះត្រូវបានប្រគល់ជូនក្រុមគ្រួសារធ្វើបុណ្យតាមប្រពៃណី៕