...........................................................

តាកែវ : នៅស្នាក់ការគណបក្សប្រជាជនកម្ពុជាស្រុកសំរោង ឯកឧត្តម នាយឧត្តមសេនីយ៍ បណ្ឌិត ម៉ៅ ហាវណ្ណាល់ រដ្ឋមន្ត្រីទទួលបន្ទុក រដ្ឋលេខាធិការដ្ឋានអាកាសចរណ៍សុីវិល និងជាប្រធានក្រុមការងាររាជរដ្ឋាភិបាលចុះជួយមូលដ្ឋានស្រុកសំរោង ទទួលបន្ទុក ៩ឃុំលើ១១ឃុំ។ អមដំណើរដោយឯកឧត្តម លោកជំទាវ លោក លោកស្រី អនុប្រធាន ក្រុមការងាររាជរដ្ឋាភិបាលចុះជួយមូលដ្ឋានស្រុកសំរោង និងជាប្រធានក្រុមការងាររាជរដ្ឋាភិបាលឃុំទាំង ៩ ដោយមានការអញ្ជើញចូលរួមពីលោក កេត ម៉ៅ អភិបាលនៃគណៈអភិបាល ស្រុកសំរោង លោក លោកស្រីសមាជិកក្រុមប្រឹក្សាស្រុកអភិបាលរងស្រុក មន្រ្តីរាជការចំណុះរដ្ឋបាលស្រុក លោកមេឃុំ សមាជិកក្រុមប្រឹក្សាឃុំ។ បានអញ្ចើញជាអធិបតីដ៏ខ្ពង់ខ្ពស់ក្នុងពិធីសំណេះសំណាលដើម្បីពង្រឹងការគ្រប់គ្រង និងត្រួតពិនិត្យបញ្ហាការបង្ការ នៃការរីករាលដាលជំងឺកូវីដ-១៩ នៅមូលដ្ឋានស្រុកសំរោង ។

 

     ក្នុងឪកាសនោះផងដែរ ឯកឧត្តម នាយឧត្តមសេនីយ៍ បណ្ឌិត មានមតិសួរសុខទុក្ខ និងពាំនាំមតិផ្តាំផ្ញើសួរ សុខទុក្ខពីសំណាក់សម្តេចអគ្គមហាសេនាបតីតេជោ ហ៑ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ដល់សមាជិកសមាជិកា ដែលបានចូលរួម។ ឯកឧត្តមបញ្ជាក់បន្ថែមលើខ្លឹមសារសំខាន់ ៣ចំណុចដែលរួមមាន៖

      ១,ព្រឹត្តិការណ៍ ២០ កុម្ភៈ ទាក់ទងការឆ្លងរីករាលដាលជំងឺកូវីដ-១៩ នៅទូទាំងប្រទេស ក្នុងការអនុវត្តវិធានការ ៣ការពារ ៣កុំ និង២ចូលរួម ក្នុងការទប់ស្កាត់ការឆ្លងរីករាលដាលជំងឺកូវីដ-១៩ ចូលក្នុងសហគមន៍បន្តទៀត។

      ២,បញ្ហាប្រឈម និងបទពិសោធន៍ក្នុងការទប់ស្កាត់ការឆ្លងរីករាលដាលជំងឺកូវីដ-១៩ ។

      ៣,ការត្រៀមលក្ខណៈសម្បត្តិក្នុងការឈានឆ្ពោះទៅរកការបោះឆ្នោតក្រុម ប្រឹក្សាឃុំសង្កាត់ អាណត្តិទី ៥ នៅឆ្នាំ២០២២ ខាងមុខ។

 

     ទន្ទឹមនឹងនោះផងដែរ ឯកឧត្តម នាយឧត្តមសេនីយ៍ បណ្ឌិត រដ្ឋមន្ត្រីបានឧបត្ថម្ភ ឧបករណ៍ Rapit Test ចំនួន ២០០ ដល់រដ្ឋបាលស្រុក និងថវិកាដល់អ្នកចូលរួមក្នុងម្នាក់ៗ ១០,០០០ រៀល។