តាកែវ: ល្បែងជល់មាន់នឹងមានបង្កប់វង់អាប៉ោងបេីកលេងស្ទើរតែរាល់ថ្ងៃដោយមិនរំខានដល់សមត្ថកិច្ចមូលដ្ឋានទាល់តែសោះ នេះជាហេតុធ្វើឲ្យមានការព្រួយបារម្ភនិងភ័យខ្លាចការឆ្លងរីករាលដាលជំងឺកូវីដ19 នៅក្នុងសហគមន៍។

 

   ប្រជាពលរដ្ឋរស់នៅក្នុងភូមិស្កូវឃុំ ជើងគួន ស្រុកសំរោង ខេត្តតាកែវ បានប្រាប់ឲ្យដឹងថាមានក្រុមអ្នកញៀនល្បែងមកផ្តុំគ្នាភ្នាល់មាន់ជល់និងចាក់អាប៉ោងប្រមាណ៥០នាក់ បានមកពពាក់ពពូននៅចំណុច ភូមិឃុំខាងលើលេងបានដោយសេរីនឹងមានសំឡេងហ៊ោកញជ្រៀវយ៉ាងកងរំពងហាក់ដូចជាមិនរំខានដល់សមត្ថកិច្ចមូលដ្ឋានទាល់តែសោះ។

 

     ប្រជាពលរដ្ឋបានបន្តទៀតថាល្បែងជល់មាន់និងបង្កប់វង់អាប៉ោងខាងលើនេះមានម្ចាស់ឈ្មោះ តាំង អូនរស់នៅ ភូមិស្កូវ ឃុំជើងគួន ស្រុកសំរោង ខេត្តតាកែវនេតែម្ដង គេបើកដំណេីរការលេងបានជារៀងរាល់ថ្ងៃហើយម្ចាស់សង្វៀនជល់មាន់ខាងលើថែមទាំងបានអួតក្តែៗទៅក្រុមអ្នកញៀនល្បែងទាំងនោះថាកុំឲ្យមានការព្រួយបារម្ភរឿងសមត្ថកិច្ចចុះចាប់នោះត្រឹមតែប៉ូលីសប៉ុស្តិ៍គ្រាន់តែយកមាន់ស្ងោរមួយនិងស្រាបៀរមួយកេះទៅសែនជូនទៅបានហើយពួកយេីងអាចលេងភ្នាល់គ្នាបានដោយរលូន។

 

    ល្បែងជល់មាន់ដែលមានម្ចាស់ឈ្មោះតាំង អូន ខាងលើនេះត្រូវបានពលរដ្ឋលើកឡើងរិះគន់ទៅលើសមត្ថកិច្ចដូចជាមិនមានសមត្ថភាពក្នុងការបង្ក្រាបក្រុមអ្នកញៀនល្បែងបញ្ជល់មាន់ខាងលេី ដែលអាចប្រមូលផ្តុំគ្នាមានមនុស្សម្នារហូតដល់ ៤០នាក់ទៅ ៥០នាក់និងបង្កប់វង់អាប៉ោងលេងភ្នាល់គ្នាចាប់ពី ២០ ម៉ឺនរហូតដល់រាប់រយដុល្លារចំណែកវង់អាប៉ោងគេចាក់ចាប់ពីប្រាំម៉ឺនរៀលឡើងទៅ។

ល្បែងស៊ីសងទាំងនេះហើយដែលបង្កអស្ថេរភាពនៅក្នុងសង្គមផ្ទុយពីបំរាមរបស់រាជរដ្ឋាភិបាលភូមិ.ឃុំ មានសុវត្ថិភាពបង្កអោយមានចោរលួច ចោរឆក់ ចោរប្លន់និងបង្ករហឹង្សានៅក្នុងគ្រួសារ កត្តាទាំងនេះធ្វើឲ្យប្រជាពលរដ្ឋស្អប់ខ្ពើមហើយសង្ឃឹមថាសមត្ថកិច្ចនឹងធ្វើការបង្ក្រាបក្រុមអ្នកញៀនល្បែងនៅចំណុចភូមិឃុំខាងលើនេះអោយបាន។

  

     បងប្រុសម្នាក់ដែលរស់នៅក្បែរនិងល្បែងជល់មាន់អាប៉ោងខាងលើបានលើកឡើងថាសង្វៀនជល់មាន់នេះកេីតមានយូខែកន្លងមកហេីយ ក៍ប្រហែលជាសមត្ថកិច្ចប៉ុស្តិ៍ជាអ្នកឲ្យដៃមិនបង្ក្រាបដោយយកតែមាន់ស្ងោរមួយនិងស្រាបៀរមួយកេះមែនហើយទើបអ្នកលេងល្បែងជល់មាន់ខាងលើនេះអាចបន្តនិងបើកដំណេីការបានយ៉ាងសេរីដោយពុំខ្លាចនៅជំងឺរីករាតត្បាតនៃកូវីដ19 គាត់និយាយទៀតថាប៉ូលីសអីក៍យ៉ាប់អីយ៉ាងនេះគ្រាន់តែមាន់មួយស្រាមួយកេសក៏យកដែរ។

 

     ករណីខាងលើនេះអង្គភាពសារព័ត៌មានយើងមិនអាចសុំការបំភ្លឺពីសំណាក់លោកមេប៉ុស្តិ៍ឃុំជើងគួនស្រុកសំរោងខេត្តតាកែវបានទេដោយគ្មានលេខទូរស័ព្ទ ។

    គេសង្ឃឹមថាលោកភី ឆុន អធិការស្រុកសំរោងពង្រឹងមន្ត្រីក្រោមឱវាទរបស់ខ្លួនឱ្យចុះទប់ស្កាត់នឹងធ្វើការបង្ក្រាបក្រុមអ្នកញៀនល្បែងស៊ីសងនៅភូមិ.ឃុំខាងលើដើម្បីរក្សាសន្តិសុខសណ្ដាប់ធ្នាប់ជូនប្រជាពលរដ្ឋឲ្យបានជាក់ជាពុំខានឡេីយ៕