ឯកឧត្តម អ៊ូច ភា អភិបាលខេត្តនៃគណៈអភិបាលខេត្តតាកែវ និងជាប្រធានគណៈកម្មាធិការសាខាកាកបាទក្រហមកម្ពុជាខេត្តតាកែវកែវ រួមដំណើរជាមួយលោកលោកស្រីគណៈកម្មាធិការសាខាកាកបាទក្រហមខេត្ត
ស្រុកសំរោង÷
នៅព្រឹកថ្ងៃអង្គារ ៤កើត ខែទុតិយាសាឍ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី១៣ ខែកក្កដា ឆ្នាំ២០២១ ឯកឧត្តម អ៑ូច ភា អភិបាលនៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្តតាកែវ រួមដំណើរដោយលោក លោកស្រីសមាជិកគណៈកម្មាធិការសាខាកាកបាទក្រហមខេត្ត នាយកប្រតិបត្តិ និងមន្រ្តីសាខាកាកបាទក្រហមកម្ពុជាខេត្ត និងមានការអញ្ជើញចូលរួមពី លោក កេត ម៉ៅ អភិបាលនៃគណៈបាលស្រុក និងជាប្រធានកិត្តិយសអនុសាខាកាកបាទ ក្រហមកម្ពុជា លោក លោកស្រីអភិបាលរងស្រុក សមាជិកក្រុមប្រឹក្សាស្រុក លោកនាយក នាយករងរដ្ឋបាលស្រុក លោក លោកស្រីសមាជិកក្រុមប្រឹក្សាឃុំ បានអញ្ជើញសំណេះ សំណាល និងចែកអំណោយរបស់សាខាកាកបាទ ក្រហមកម្ពុជាខេត្តតាកែវជូនដល់បងប្អូនប្រជាពលរដ្ឋដែលរងគ្រោះដោយបាតុភូតធម្មជាតិខ្យល់កន្រ្តាក់ កាលពីរសៀលថ្ងៃ ទី០៣ ខែកក្កដា ឆ្នាំ២០២១ ចំនួន ៥២ គ្រួសារ ដែលអញ្ជើញមកពីឃុំសំរោងចំនួន ៤៦គ្រួសារ សិង្ហ ៥គ្រួសារ ជើងគួន ១គ្រួសារ។ ដែលក្នុងនោះរងគ្រោះកំរិតធ្ងន់ចំនួន ១៣គ្រួសារ កំរិតមធ្យមចំនួន ៥គ្រួសារ និងកំរិតស្រាលចំនួន ៣៤ គ្រួសារ។
