ក្រោយតុលាការចេញដីការចាប់ផ្តើមលក់ដោយបង្ខំ ភាគីកូនបំណុលខេត្តរតនគិរីបានដាក់ពាក្យបណ្ដឹងតវ៉ា និងស្នើឱ្យតុលាការអនុវត្ត ពិនិត្យ ពិចារណា និងកែសម្រួលដីកាសារជាថ្មី

ចេញផ្សាយ៖ ០៣/០៣/២០២៣

PY-News

(ខេត្តរតនគិរី)៖ យោងពាក្យសុំតវ៉ា និងដីការចាប់ផ្តើមលក់ដោយបង្ខំរបស់សាលាដំបូងខេត្តរតនគិរីចុះថ្ងៃទី២០ ខែកុម្ភៈ ឆ្នាំ២០២៣បានឱ្យដឹងថា ភាគីកូនបំណុលបានស្នើឱ្យតុលាការអនុវត្ត ពិនិត្យ ពិចារណា និងកែសម្រួលដីការសម្រេចចាប់ផ្តើមលក់ដោយបង្ខំត្រង់ចំណុចទី២ពីការរឹបអូសអចលនទ្រព្យ០៤ ទីតាំងមកត្រឹម០១ទីតាំងវិញគឺគ្រប់គ្រាន់ហើយព្រោះថាដោយកន្លងមកគាត់ពុំសូវបានយល់ដឹងពីចំណេះដឹងហិរញ្ញវត្ថុគាត់បានយកប្លង់ដី ផ្ទះ និងចំការចំនួន០៤ទីតាំងដែលមានតម្លៃប្រហែលជាង១០០០០០០$(ជាងមួយលានដុល្លា)ទៅដាក់បញ្ចាំធនាគារតែជាង២០០០០០$(ជាងម្ភៃម៉ឺនដុល្លា)តែប៉ុណ្ណោះ។

 

គួររំលឹកផងដែរថា កាលពីថ្ងៃទី១៤ ខែ កុម្ភៈ ឆ្នាំ ២០២៣ ភាគីកូនបំណុលបានទទួលលិខិតរបស់សាលាដំបូងខេត្តរតនគិរី គឺរបាយការណ៍ស្តីពីការបញ្ជូនសំណុំរឿងអនុវត្តដោយបង្ខំលេខ ១៣ ចុះថ្ងៃទី១៣ ខែធ្នូ ឆ្នាំ២០២២ ដោយភ្ជាប់មកជាមួយនូវដីការសម្រេចចាប់ផ្តើមលក់ដោយបង្ខំរបស់ចៅក្រមអនុវត្តគឺលោក សាយ សារុន។

 

ដោយយល់ឃើញថាខ្លួនជាជនរងគ្រោះផងហើយការប្តឹងរឹបអូសរបស់ធនាគារកាណាឌីយ៉ាចំនួនដល់ទៅ០៤ប្លង់ វាដូចជាហួសហេតុបន្តិចពេកភាគីកូនបំណុលក៏បានដាក់ពាក្យប្តឹងតវ៉ានឹងដីការសម្រេចចាប់ផ្តើមលក់ដោយបង្ខំរបស់សាលាដំបូងខេត្តរតនគិរីដើម្បីរកភាពយុត្តិធម៌ ជាងនេះទៅទៀតសូមបញ្ជាក់ថាគាត់មិនមែនគេចវេសឬគ្មានឆន្ទៈមិនសងនោះទេគឺគាត់បានប្តឹងទៅសាលាដំបូងខេត្តរតនគិរីដើម្បីសុំសងប្រាក់ដើមមុនធនាគារប្តឹងទៅទៀតព្រោះគាត់យល់ឃើញថា ប្តឹងពេលនេះកុំឱ្យអស់ការប្រាក់ និងពិន័យកាន់តែច្រើនទៅៗ និងឆាប់បានដំណោះស្រាយផងព្រោះទ្រព្យគាត់ក៏មានតម្លៃច្រើនជាងបំណុលណាស់ដែរតែបែរជាមិនបានដូចបំណងនោះទេ។

 

អង្គភាពសារព័ត៌មានយើងខ្ញុំក៏បានសុំសម្ភាសន៍លោកស្រី មេធាវី ឡាំ សុគន្ធារ៉ា ជាមេធាវីរបស់ធនាគារកាណាឌីយ៉ាតាមប្រព័ន្ធតេឡេក្រាមដើម្បីសាកសួរព័ត៌មានបន្ថែមម្ដងរួចមកហើយ។ ចំណែកឯលោក សាយ សារុន ចៅក្រមអនុវត្តវិញ ខាងសារព័ត៌មានយើងខ្ញុំពុំទាន់បានទាក់ទងនិងសាកសួរព័ត៌មានដែលពាក់ព័ន្ធនឹងករណីនេះនៅឡើយទេ។ 

 

រីឯខាងភាគីកូនបំណុលវិញ ពួកគាត់បានលើកឡើងថា កន្លងមកគាត់គឺជាអាជីវកររកស៊ីធម្មតានៅខេត្តរតនគិរីដោយពុំមានការខ្វះខាតអ្វីឡើយក្រោយមកក៏មានភ្នាក់ងារធនាគារកាណាឌីយ៉ា សាខាខេត្តរតនគិរីបានមកទំនាក់ទំនងអូសទាញព្រមទាំងបញ្ចុះបញ្ចូលឱ្យនាងខ្ញុំខ្ចីប្រាក់ពីធនាគារគាត់នៅសាខាខេត្តរតនគិរីដោយគាត់ថា ពូមីងអាចខ្ចីយកទៅពង្រីកមុខរបរក៏បានឬរកស៊ីបន្ថែមក៏បានដែរហើយដោយខ្ញុំខ្វះការពិចារណាក៏យល់ព្រម នឹងធ្វើការខ្ចីតាមការបញ្ចុះបញ្ចូលពីធនាគារនោះតែម្តងទៅ លុះកន្លងមកបានប៉ុន្មានឆ្នាំក្រោយក៏ចេះតែលង់ទៅៗដោយខ្ចីដំបូងតែ៣០០០០$(បីម៉ឺនដុល្លា)ទេក្រោយមកគុណការ គុណដើមចេះតែបន្តខ្ចីអាថ្មីសងអាចាស់រហូតឡើងដើមដល់ជាងម្ភៃម៉ឺន នឹងត្រូវបង់រាល់ខែចំនួនច្រើនផង គាប់ជួនពេលនោះក៏មានវិបត្តិសេដ្ឋកិច្ចធ្លាក់ចុះជាសកលផង កៅស៊ីធ្លាក់ថ្លៃផង ប្រេងក៏ធ្លាក់ថ្លៃទៅៗ ខណ:នោះគាត់ក៏ជួបបញ្ហាសេដ្ឋកិច្ចយ៉ាងធ្ងន់ធ្ងរ ប៉ុន្តែភាគីខាងធនាគារពុំបានជួយដោះស្រាយ ឬផ្តល់យោបល់ជាដំណោះស្រាយឡើយក្រៅពីឱ្យភ្នាក់ងាររបស់ខ្លួនមកបង្ខំ គំរាម បំភ័យតែប៉ុណ្ណោះដោយជួបវិបត្តិសេដ្ឋកិច្ចធ្ងន់ធ្ងរផង គេមកបំភ័យទៀតគាត់ស្ទើរគាំងបេះដូង និងស្ទើរធ្លាក់ខ្លួនឈឺម្តងៗបាត់ទៅហើយ។

 

លោកស្រីបន្តទៀតថា ក្រៅពីប្តឹងតវ៉ា គាត់បានប្តឹងជំទាស់នីតិវិធីចាប់ផ្តើមលក់ដោយបង្ខំនេះរួចហើយ និងបន្តរងចាំមើលនីតិវិធីរបស់តុលាការខេត្តរតនគិរីថា តើលោកមានចិត្តមេត្តា និងផ្តល់យុត្តិធម៌ដល់ប្រជាជនដែរឬយ៉ាងណា