កំពង់ឆ្នាំង៖ នៅរសៀលថ្ងៃអាទិត្យ ២កើត ខែទុតិយាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១១ ខែកក្កដា ឆ្នាំ២០២១នេះ ក្រុមគ្រូពេទ្យនៃមន្ទីរសុខាភិបាលខេត្តកំពង់ឆ្នាំង សហការជាមួយអាជ្ញាធរក្រុងកំពង់ឆ្នាំង បានចុះបាញ់ថ្នាំសម្លាប់មេរោគនៅផ្សារឆ្នាំង និងតាមផ្ទះប្រជាពលរដ្ឋពលរដ្ឋ ក្នុងតំបន់ផ្សារឆ្នាំង ស្ថិតក្នុងក្រុងកំពង់ឆ្នាំង ខេត្តកំពង់ឆ្នាំង ដឹកនាំដោយលោកវេជ្ជបណ្ឌិត ងិន ចាន់សារ៉េត អនុប្រធានមន្ទីរសុខាភិបាលខេត្តកំពង់ឆ្នាំង។

 

គូសបញ្ជាក់ជូនផងដែរថាៈ ការចុះបាញ់ថ្នាំសម្លាប់មេរោគនៅទីតាំងផ្សារឆ្នាំងនេះ គឺក្រោយពេលដែល អាជ្ញាធរ និងក្រុមគ្រូពេទ្យរកឃើញមានករណីវិជ្ជមានជំងឺកូវីដ-១៩ ពាក់ព័ន្ធក្នុងព្រឹត្តិការណ៍២០កុម្ភៈ ជាច្រើននាក់ទៅលើអាជីវករផ្សារឆ្នាំង និងពលរដ្ឋនៅតំបន់នេះ ៕