យោងតាមបណ្ដាញព័ត៌មាននិងអ្នកលេងបណ្ដាញសង្គមហ្វេសប៊ុកមួយចំនួនបានសរសេរបង្ហោះបង្ខូចកិត្តិយសនិងសេចក្តីថ្លៃថ្នូររបស់លោកឧត្តមសេនីយ៍ឯក កែវ សុឹម ដោយចោទប្រកាន់លោកថាបានរំលោភលើដីផ្លូវសាធារណៈរបស់ប្រជាពលរដ្ឋនៅភូមិព្រៃស្នួលឃុំរវៀងស្រុកសំរោងខេត្តតាកែវកាលពីពេលកន្លងទៅដោយចោទលោកថាមិនព្រមបើកផ្លូវឲ្យពលរដ្ឋធ្វើដំណើរនឹងនិងធ្វើរបងបិតផ្លូវដែលធ្លាប់ប្រើប្រាស់តាំងពីដូនតា មកដែលជាតម្រូវការប្រើប្រាស់ជាចាំបាច់ទៀតនាពេលខាងមុខសម្រាប់កូនចៅជំនាន់ក្រោយៗទៀត។

 

    លោកឧត្តមសេនីយ៍ឯក កែវ សុឹមបានលើកឡើងបញ្ជាក់យ៉ាងដូច្នេះថាតាមពិតដីនេះមិនមែនជាផ្លូវសាធារណៈរបស់បងប្អូនប្រជាពលរដ្ឋធ្វើដំណើរចេញចូលតាំងពីដូនតាមកនោះទេវាដីដាច់ដោយឡែកពីគ្នាការពិតបញ្ហាចោទនោះត្រង់ថាលោកបានសង់សំណង់ជាបង្គោលរបងនៅលើដីដែលមានប្លង់ស្រាប់របស់លោកតែប៉ុណ្ណោះនិយាយអោយចំគឺជាដីភ្លឺស្រែដែលគេអាចនិយាយបានថាជាបុព្វសិទ្ធិរបស់បុគ្គលម្នាក់ៗហើយលោកសង់ទៅលើដីចំណែកនៃភ្លឺស្រែរបស់លោកដែលមានប្លង់ស្រាប់នោះទេ។ត្រង់ថាលោកទៅរំលោភដីផ្លូវសាធារណៈរបស់ប្រជាពលរដ្ឋធ្លាប់ធ្វើដំណើរនោះគឺជារឿងមិនពិតដោយឡែកលោកសូមបញ្ជាក់ថាដីភ្លឺស្រែខាងមុខនេះដែលលោកកំពុងសាងសង់ជារបងម្ចាស់គេមិនមានជាបញ្ហាជាមួយនឹងលោកនោះឡើយប៉ុន្តែជារឿងមួយដែលគួរឲ្យខូចចិត្តត្រង់ថាមានអ្នកសារព័ត៌មានដែលចូលចិត្តបង្កភាពចលាចលនិងកេណ្ឌប្រជាពលរដ្ឋមានការតវ៉ាជាមួយលោកដោយសារតែដីបងប្អូនរបស់អ្នកសារព័ត៌មាននោះនៅខាងក្រោយហើយសុំលោកអោយបើកទំហំភ្លឺស្រែដើម្បីធ្វើដំណើរចេញចូលទៅដីខាងក្រោយរហូតដល់ 1 ម៉ែត្រឯណោះតែលោកមិនយល់ព្រមដោយសំអាងថាដីរបស់លោកមានព្រំនិងប្លង់ត្រឹមត្រូវគឺជាភ្លឺស្រែបុព្វសិទ្ធ។

 

      ប្រភពព័ត៌មានពីអ្នកសារព័ត៌មានបានជួបប្រសាសន៍លោកមេឃុំរវៀងបានលើកឡើងថាលោកយល់ឃើញថាក្នុងនាមជាអាជ្ញាធរលោកនឹងទទួលនូវដំណោះស្រាយរបស់បងប្អូនប្រជាពលរដ្ឋជាប់ជានិច្ចក៏ប៉ុន្តែរឿងដីនេះវាមិនប៉ះពាល់ទៅលើដីរបស់សាធារណៈដូចដែលពលរដ្ឋលើកឡើងនោះទេវាជាដីដែលជាបុគ្គលរបស់ពលរដ្ឋម្នាក់ៗមានសិទ្ធិចាត់ចែងនិងធ្វើជារបងឬជាសំណង់ផ្សេងៗរៀងៗខ្លួនអាស្រ័យទៅលើមានការយោគយល់គ្នាទៅវិញទៅមករវាងម្ចាស់ព្រំដី នីមួយៗ។ចំណែកមន្ត្រីសូរិយោដីស្រុកសំរោងក៏បានលើកឡើងស្រដៀងគ្នានោះដែរថាដីភ្លឺស្រែដែលលោកឧត្តមសេនីយ៍ឯកកែវ សុឹមបានធ្វើជារបងនៅលើចំណុចព្រំដីរបស់ខ្លួនគឺមិនខុសច្បាប់នោះឡើយ។

 

     លោកបានបន្តទៀតថាបច្ចុប្បន្នលោកកំពុងតែស្នើសុំពីអាជ្ញាធរឃុំទៅមន្ត្រីសូរិយោដីស្រុកសហការជាមួយជំនាញដើម្បីចុះវាស់វែងចាក់ជើងមែ៉តដើម្បីសម្គាល់ដីធ្លីរបស់ខ្លួនឲ្យបានពិតប្រាកដដែលកន្លងមកលោកយល់ឃើញថាលោកនឹងសម្បទានដីមួយចំនួននៅខាងត្បូងអោយទៅតែបច្ចុប្បន្នលោកឈប់យោគយល់និងសម្បទានឲ្យទៀតហើយ។

 

លោកបញ្ជាក់ថាតាមពិតបុគ្គលអ្នកសារព័ត៌មានម្នាក់នេះមិនមានដីនោះទេដែលជាប់នឹងលោកដែលធ្វើឲ្យផលប៉ះពាល់នឹងគ្នានោះដែរប៉ុន្តែបុគ្គលនេះចេះតែបង្កចលាចលនាំប្រជាពលរដ្ឋឲ្យផ្តិតមេដៃផ្តេសផ្តាស់ដើម្បីជំទាស់និងលោកតែប៉ុណ្ណោះមិនដឹងថាលោកអ្នកកាសែតម្នាក់នេះចង់បានអ្វីនោះទេឬក៏លោកឯងចង់ល្បីតាមរយៈផ្លូវច្បាប់។

 

   លោកឧត្តមសេនីយ៍ឯកកែវ សុឹមក៏បានសំណូមពរដល់បងប្អូនអ្នកសារព័ត៌មានក៏ដូចជាអ្នកលេងបណ្ដាញសង្គមហ្វេសប៊ុកដែលកំពុងតែបង្ហោះសារចោទប្រកាន់លោកថាបានរំលោភយកដីរបស់ប្រជាពលរដ្ឋនោះត្រូវតែមានការកែតម្រូវហ្នឹងបងស្រាយឱ្យបានទាន់ពេលវេលាបើពុំដូច្នោះទេលោកនឹងចាត់វិធានការតាមផ្លូវច្បាប់ដែលនេះជាករណីបង្ខូចនៅកិត្តិយសនិងសេចក្តីថ្លៃថ្នូររបស់លោកជាខ្លាំងដែលធ្វើឲ្យជះឥទ្ធិពលដល់ថ្នាក់ដឹកនាំនិងមតិជនមានការយល់ច្រឡំដោយសំអាងទៅលើលោកជាអ្នកមានបុណ្យមានសក្តិហើយធ្វើការគាបសង្កត់រំលោភសិទ្ធទៅលើប្រជាពលរដ្ឋស្លូតត្រង់៕